FILA FALI BA ITA NIAN.

RAI HAU NIA DOMIN BA O

Alexandro Zamorano... mahasiswa hau nia senior ida nia naran.. kolega sira seluk babain bolu nia Alex maibe laos hau, hau gosta liu bolu nia Amor, hau nia toman aat ida gosta troka ema nia naran halo hau toman ona.
buat hotu hahu husi OSPEK.. Hau mahasiswa foun iha Universidade ida ih Capital Dili. Nebe’e hakarak ka lakohi hau temke tuir Orientasaun konhese kampus ka bolu OSPEK. Oh diak hau nia naran Dina, ema babain bolu hau ho naran ida ne’e.

Iha tempo nebaa hau rona panitia OSPEK ida hakilar makaas ih hau nia sorin. 'Owh My God, very noisy ...!' Liafuan ne’e maka mosu iha hau nia laran. Depois hau halo hau nia ulun keleuk ba sorin hau hare mane ida ho altura nebe ladun aas, inus kain tuda,no sekarik hau kompara ho mane sira seluk nia mos ema nebe kulit mutin no moos nia oin hakmatek lo’os no husi nia oin hau bele nota nia ema nebe’e reliosu . Maibe haluha lai nia postura panitia ida ne’e, tamba hau laos tipo feto nebe hare fisico hanesan numero ba dala uluk  No desde tempo ne’e odio nebe’e boot hu rai hela ih hau nia laran hau lagosta ema nebe’e hakilar hau

Tempo mos lao nafatin, husi ospek ba loron permeiro Segundo no too loron terseiro, hau sente babain maibe iha loron ba dala tolu hau sente buat ruma nebe’e lao la los ho hau ona. Nonok no subar – subar hau hakarek hare hau nia senior ida ne’e, pior liu ho rasaun oi-oin hau komesa atu habesik ba nia. Laos dehan atu hakbesik nia maibe hau mos hakarak atu hare nia besik liu, maisumenus ho distansia metro ida, “lixu” iah lixu mak hau bele halo nudar rasaun atu bele lao ba mai no bele ba hakbesik nia tamba nia hamrik besik hela iha lixu fatin. Dala rua ona hau lao ba mai ba iha lixu fatin ne’e hodi hili no seo foer nebe la usa ona. Ne’e los kedas hau hanesan ema nebe servisu laiha maibe aacchhh.. hau la preokupa, hau hakarak deit atu hare hau nia senior ne’e, just it.
Tempo too ona ba mahasiswa foun sira inkliu hau atu konhese malun ho senior sira. Panitia barak maka ho kontente konhese malun ho ami, maibe balun halo aan liu, balun istilus liu. Maibe hau mak sente aan stranho los, hau preokupa hela atu buka panitia ida, nia iha nebe nusa mak hau ladauk hetan nia. Hau konsege hare nia duni, 'Thanks God', hau ba hakbesik mahasiswa lubun balun nebe’e hobur hela nia atu konhese malun ho nia no agora  ami nia espaco laos metro ida deit ona ho panitia ida ne’a. hau bele hare klaru nia oin, nia hamrik lo’os ih hau nia oin no hau hatene nia naran kompleto Alexandro Zamorano.,.ohhh nia naran mak ne’e, agora hau hatene nia naran ona naran nebe furak hanesan naroman nebe furak  husi nia oin, hau la husik liu deit tempo ne’e hau mos  ba hakbesik tan no konhese malun ho nia. Konhese malun hotu tiha hau hamrik nafatin iha neba hanesan estatua ida nebe’e la book aan. Hau nia fuan dere makaas hare kriasaun maromak nebe perfeito iha hau nia oin ne’e.

Ospek ba loron haat no mos sai loron ikus ona, hau no mahasiswa foun sira seluk sente kontente, triste kahur malu deit, hau sente ladun diak iha hau nia neon. Tuku rua meudia, ami ba tuir briefing ba dala ikus husi dosente ida ne’e hanesan briefing ba dala ikus ona, hau rona no tuir halo didiak., maibe hau nia kakutak hanesan para derepente no la lao kuando hau hare no hatene katak ema ida hamrik iha hau nia kadeira sorin ne’e “Alexandro Zamorano” hau hakilar neneik, hau kontente demais iha menitu ne’e nia laran, ida ne’e menitu nebe halo hau nia fuan rahun ba mai no la kahur malu tan ona. (Huuuhhhh. ....)  hau dada iis ho neneik maibe naruk komesa hanoin buka inspirasaun atu hamosu idea – idea ba sesaun 2 ida uluk mak horseik lixu fatin ne’e.  (Ohh inspirasaun.. mai ona ba.. mai ona ba..)  hau hamonu tiha hau nia lapijeira ho intensaun katak maun Amor bele foti no foba hau, maibe  sorte aat lapijeira ida ne’e la halo kolaborasaun diak ho hau. Lahatene tamba saida ou kala hau nia liman mak sala ou lapijeira ne’e mak lakohi kolabora ho hau. Lapijeira ne’e monu hau la kontrola no mane aman gendut ida nebe’e tuur iha hau nia oin mak foti no fo fali ba hau.  'obrrrrrigado'.. ne’e mak hau dehan ba mane ne’e ho bumbu oituan hau nia hamnasa midar ne’e maske la ho laran
Tamba loron ikus ba ospek nebe kalan ne’e ami halo acara taka nia historia naruk too hau bele hetan nia nomer HP, nafatin ho idea hanesan ema bulak. kuando ospek remata hau haruka sms ba maun Amor no nia mos komesa fo resposta, agora hau foin hatene nia ema nebe nonok deit, toos hanesan Robot, ka keta halo karik tamba hau mak ladauk konhese nia ho didiak. Maibe kalma lai kolega sira, maun Amor nia jeito hanesan ne’e sei la halo hau rende.
Loron ida kampus halo paseio ida ih tasi ibun durante loron balun nia laran. Durante paseio ne’e aumenta hau nia esperensia no aumenta hau nia konhesemento kuando ba hamutuk no kahur malun ho povo iha fatin nebe ami paseio ba ne’e. Maibe special liu maka presensa maun Amor, maske nia iha no hau bele hasoru nia bainhira deit. No ami sei manda sms ba malun maibe la halo ami besik malun hanesan ohin hau dehan ne’e maun Amor hanesan statua, la jeito liu, maske la ho intensaun hau hasoru nia ami la hase’e malun nein dala ida neneik maske sei liu nafatin husi sms hau komesa  la moe ona, hau komesa husu no koalia halai liu ba buat nebe privado oituan, hau la preokupa, hau laos ema nebe ho prestigio ka gensi nebe’e aas no iha ne’e hau laos hatoo no haruka liafuan nebe hanesan feto nebe laiha dignidade hau sei hatene oinsa husu ho prestigio oituan. Se la fiar hau nia sms balun nebe hau haruka ba maka ne’e.,
"Um .. “". se hau bele koalia lolos, iha buat ida mak hau gosta lo’os husi maun, hau gosta maun nia matan, kapaas, naroman,.,.bele kale se hau bolu maun fitun?”. . .  Oinsa tuir imi nia hanoin? Laos hanesan feto nakar nebe’e book ema nega lae? Husi neba maun Amor komesa fo resposta nebe, hau lahatene ne’e esperansa ka hanesan formalitas deit. Komesa la toos ona hosi responde hau nia sms sira ne’e, ami konhese malun didiak ho perguntas oi-oin hau komesa kail nia, komesa husu husi nia hahan favorito, hemu favorito too iha buat nebe’e kiik oan husi nian hau komesa kee atu hatene. Afinal nia ema nebe bele halo ita nia laran kamaan kuando hanesan ne’e.
And all my love
I'm holding on forever
Reaching for the love that seem
So far..
So i say a little prayer
And hope my dream will take me
There
Where the skies are blue
To see you once again my love
Oversees from coast to coast
To find the place i love the most
Where the fields are green
To see you once again my love

Kantigo favorito husi westlife-my love'  ne’e sai hanesan hau nia laran nebe’e nafunan hela ne’e.
loron haat liu tiha paseio ne’e mos sai hanesan memoria deit ona. Ami fila ba idak – idak nia uma. Hau sei konfusaun ho hau nia sentimento ba maun Amor. Hau hanoin nia bebeik, no ida ne’e halo hau lahakmatek. Hau ba Ortorio nia oin no komesa resa ona.
“Nai Maromak domin nain,, ,,  maun Amor  nia naran metin los ona iha fuan ne’e, odio nebe’e uluk hau kuda iha fuan ne’e laiha tan ona, odia ne’e sai ona ponte atu hau bele tama ba iha  maun Amor nia neon no fuan, Nai hau nia Maromak  hau hakarak hare deit maun Amor iha kondisaun nebe’e diak, nain fo buat hotu nebe diak ba nia, amen..”
Iha hau nia resa hotu-hotu hau sempre temi nia naran, hau nia sentimento ikus ne’e halo hau nia laran la hakmatek kuando lahare nia oin. Ne’e foin ba dala uluk hau sente estranho iha hau nia moris. Hau monu ona ba domin ka? Hau mos lahatene.,.maibe hau hare atu hanesan nune’e duni. Loron ba loron hau terus liu tan ho sentiment ida ne’e, hau tanis iha kalan nia nakukun no hau nia kalan-kalan hau sempre hakarak atu hare nia oin. Hau nia fuan sente atu nakfera deit kuando hau nune’e hela deit. domin ba dala uluk nebe hau sente ida ne’e afinal halo hau terus. Laos hau nia sentimento deit, maibe buat hotu nebe hau iha atu hadomi maun Amor, buat hotu hau sente moras, fila hau sempre halai no resa ba nia “Nai hau nia maromak ita hatene ata hau nia sentimento, hatene katak too iha memento ida ne’e atan hau labele para hodi hanoin nia,” la sente hau nia mata ween tuun no habokon hau nia hasan. salah kah sekarik ata hau hein no espera maun Amor nia sentimento nebe’e hanesan mos saida maka hau sente dadaun ne’e? karik ata hau egoista liu iha nai nia oin kuando hanoin hanesan ne’e ba nia? Nai hatudu ita nia dalan mai hau
labele hetan ema nebe’e hau estima, liu-liu hau nia domin ba dala uluk, ida ne’e triste boot ida. Saida mak hau temke halo atu maun Amor bele loke netik nia laran mai hau? loron hirak liu tiha ona hau koko atu buka informasaun husi nia kolega sira no hau komesa hatene ona tipo feto nebe’e nia gosta, liu husi nia kolega eskola sira hau komesa hatene nia hahalok.. Hatene tiha nia hahalok no tipo feto nebe’e nia gosta hau komesa muda hau nia jeito balun, hau komesa atu hatais feminim liu tan, ema hotu hatene hau nia jeito nebe’e bermanek oituan halo hau labele hatais vestido maibe hau koko atu usa , maske hau la sente seguru ho hatais ida ne’e. Maibe kuando hanoin ba hanoin mai tuir lolos ita temke hatais diak para bele muda ita nia jeito nebe diak no halo ema gosta ita. Tamba feto temke atrai duni ema ho hatais nebe furak ne’e ema hotu-hotu halo ida ne’e.
Kalan ne’e hau hau habrani hau nia aan hodi husu buat ida maske liu husi sms deit, liu husi sms ne’e hau husu deit ona tamba hau mos feto ida ke ladun gosta bobar tun sae Nebe kalan ne’e hu ho aten brani haruka sms hanesan ne’e,
“Maun, maun nia doben iha ona ka??”. Derepente deit hau sente aan hanesan ema beik, tamba seda mak hau temke husu hanesan ne’e. Maibe ida ne’e mak hau nia intesaun prinsipal. Dina beikten.. O pronto atu rona maun Amor nia resposta agora Oinsa se nia resposta halo O laran moras liu tan? Saida mak O atu halo? tanis no harohan ba nafatin ba maromak? Hau konfesa ba hau nia aan rasik . ho laran nebe’e la hakmatek hau hein nia resposta. Hau nia Hp nia lian hapara perguntas hotu nebe mosu iha hau nia kakutak. Halo hodi padre hau loke sms ne’e,
“sim, maun nia doben iha ona alin, iha foho.” Degggg Ida ne’e laos fali moras nebe’e’ durante ne’e hau sente maibe ne’e kanek ,.,.,.kanek nebe’e moras liu moras hotu durante ne’e, hau sente  aan los , hadomi ema nia doben no hein domin housi ema nebe doben iha ona. Mata ween tuun hadau malu kontra no lasimu realidade ida ne’e. hau arepende husu pergunta ida ne’e. tamba saida maka hau temke husu ne’e? Tamba saida maka maun Amor la kompriende hau nia sentimento ida ne’e? Liafuan tamba saida mosu naba-naba iha hau nia.  Sms ne’e hau la kontinua atu lee hotu, hau lakohi atu lee no hatene liafuan tuir mai, hau hakarak toba deit ona, yahh.. ho toba hau bele haluha buat hotu, laran moras, mata ween no buat hotu.,.,.,.
Dadersan deit hau hader no hanesana hau nia costume desde uluk molok toba no depois de hader hau sempre resa. Hau sente oinseluk ho hau nia matan, hau sente hau nia matan bubu lo’os, maibe hau resa mos nafatin ba nia no ba hau ni aan rasik.
“Ita mak fatin hau sadere , ita mak fatin hau hatoo hau nia tanis no haksolok.,.nai realidade ida ne’e moras duni hau hadomi nia hanesan ita hatene nai. ba ita nia liman hau rai hau nia domin, protégé nia hau nia maromak...”
Fulan ida depois ida ne’e hau nia Pai temke ba servisu iha rai liur no ami temke tuir hotu ba iha nia servisu fatin foun hau nia kuliah mos temke para no hau temke komesa iha fatin foun nebe hau atu hela ba ne’e. No hau temke komesa fali husi zero

Hau sei iha tempo atu hakerek surat ida ba maun Amor, tamba nia mak hau hanoin dala uluk kuando hau rona hau atu tuir hau nia pai
dadersan tuku hitu, Ana hau nia kolega iha kampus ba hau nia uma, nudar kolega, nia ba hasoru hau atu dehan adeus molok nia ba kuliah. La haluha hau fo tuir hela hau nia surat ba nia atu lori ba. Ana ema ida ke kompriende No hatene oinsa hau hahuu konhese  maun Amor oinsa hau odio nia too hau laran monu ba nia, nia mos hau nia kolega nebe diak lahalimar. Hau nia Tiun nia kareta koor metan mai para ona iha uma oin atu tula ami ba airoporto, Ana hakuak hau no hameno hau halo hau hakmatek “koidadu no hare dalan.. koidadau O nia aan didiak Ana dehan mai hau ho mata ween nakonu.
los na Din keta tanis na, ach.. Halo oin aat tan deit rona.”  Hau hateke deit ba nia oin.
“moras ne’e ga lae..”
“hau diak hela, ne’e mak hau dehan ne’e resa ba hau para loron ruma ita hasoru malu fali.” Hau koalia ba nia ho tahan hau nia tanis,  maske hau hatene Ana dehan seda.,nia kolaia laos kona ba hau nia fisico maibe kona ba hau nia fuan nebe moras.

Tuku walu ho balun ami arangka ba airoporto no hau hatene Ana pasti hasoru ona nia no fo ona hau nia surat..

 “Maun Amor...
Memoria hau nia kakutak hanesan para hodi lao kuando hau hanoin memoria kona ba maun iha tempo hau hakerek surat ne’e... 'Alexandro Zamorano'Karik ida ne’e ba dala uluk hau temi maun nia naran, no hau nungka espera atu ida ne’e ba dala ikus nian, tamba hau hakarak loron ruma hau hamrik iha maun nia oin no temi maun nia naran ho kompleto, maske ida ne’e susar tamba karik hau labele hasoru tan maun.
maun karik sei lembra wainhira hau husu atu bolu maun Fitun? Iha tempo neba hau sente sentimento ida ne’e, sentimento nebe ema  sempre bolu sentimento domin.. . . Hau kontente bele konhese maun, laiha arepende oituan mos iha hau nia laran. Too ikus hau hatene katak maun iha ona feto sorte diak ida nebe hadomi maun. Jura husi hau nia mataween nebe lumturu hau laran todan atu simu realidade ida ne’e, realidade nebe harahun hau nia isin no klamar. Realidade nebe sona no hakanek klean liu hau nia moris. Menutu ida deit iha nebe hau sente hau hadomi los ona maun. Maibe buat ida nebe aat nos sala boot se hau laran moras ba feto nebe bele hetan ona maun nia fuan. Hau reconhese moris ne’e hanesan decisaun nune’e mos domin, hau bele hili atu haluha maun ou lae labele haluha maun, no rua ne’e iha nia risko nebe’e boot. Hau hakarak haluha deit saida mak hau bele haluha no lakohi obriga aan hodi haluha saida mak hau labele haluha, no ida ne’e maka maun. labele hamosu perguntas tamba saida maka hau gosta maun, tamba too hau nia i’is ida agora ne’e mos hau nungka hatene tamba saida, hau lahatene ho rasaun saida hau gosta maun, no karik too hau nia i’is ne’e kotu hau sei lahatene nafatin tamba saida mak hau hadomi maun, hau hatene deit ne’e sentimento ida Moos no no laiha rasaun.
maun hanesan anju ba hau, anju nebe barak ka oituan hanorin ona oinsa sai adulto no signifika husi adulto, husik buat hotu nebe la merese sai hau nian muda sai ema nebe diak liu no diak ba buat hotuk. Obrigado no desculpa
komprimentos... . " .”


HP nia lian fanun hau husi hau nia hanoin nebe barak.. 'Ana' . Tamba saida maka nia telephone fali hau.
“Hallo, ..” hau simu butaun simu nian.
 hau husu favour boot ida agora o fila husi neba agora fila kedas kareta mai fali iha ne’e, maun amor hakarak hasoru O.” ho lian nebe hanesan ema atu tanis maibe tahan deit “Mais....”
“Favor boot ida. ....” Ana husu ho tanis. “dala ida ne’e deit, no hau hatene O nia familia mos sei komprende.”
menutu lima nia laran hau tenta atu komvence hau nia pai ho mae no hau nia tiun. Ikus sira hakarak duni fo bolta no fila fali ba hau nia kampus tamba ohin Ana sms dehan nia hein iha kampus. Hau nia fuan tuku-tuku makaas. Iha aula ida nia oin hau hakat ho neneik. Ema barak iha neba. Ana lao hakbesik hau.
“Dina..,..” Ana bolu hau no nononk derepente deit.
hau nia pasu husi hau nia ain halo ema barak iha neba hateke mai hau. Hau hare mane ida toba haklenak hela iha ema barak ne’e nia klaran, husi ema barak ne’ebe hateke hela mai hau ne’e nia klaran. Hau hakbesik ba mane ne’e, hau nia fuan la tuku-tuku makaas ona maibe hau sente hanesan para ona wainhira hau hare mane ne’e nia oin. Agora hau iha lo’os nia oin ona 'maun Amor'.. . .nia oin, hau hare oin seluk los  'Pasiensia Din..,'hau rona Ana nia lian no ema balun nebe tanis iha hau nia sorin.
 “maun Amor. .. .. maun malirin ka? Rai manas los iha liur ne’e, no laos maun uluk konta mai hau maun gosta cokolate? Maun dehan maun nia sasan hotu-hotu nia koor cokolate, be halnusa maka maun agora usa lensol mutin ida ne’e?” hau dehan ba nia

“maun mos bosok hau ohin loron ne’e, maun mos konta katak maun gosta los sarope derok, ate maun dehan maun sempre lakohi hemu se sira la foo sarope derok, be halnusa mak mak be nebe belit hela ne’e.,. belit hela iha maun nia ibun ne’e nia koor mean? Ida ne’e laos sarope derok.”
hau koko atu hakbesik hau nia tilun ba iha manu Amor nia inus kain nebe naruk no taka hau nia matan hodi koko atu sente nia dada i’is.

“Maun, be halnusa maka maun tahan fali i’is hanesan ne’e? Favour ida maun hatan ba” hau dehan ba nia ho tanis deit “depois de lee O nia surat,  maun Amor hakarak atu duni tuir imi Dina, maun Amor dehan, nia hakarak rona buat hotu direta husi O, maibe destino plano oin seluk, motor nebe maun usa monu no buat hotu akontese ona, buat hotu tarde ona molok nia too iha Hospital.” Ana koalia ba hau ho tanis.
Ida ne’e mak hau foin sente triste lo’os ona hau tahan labeele hau hakilar no tanis deit ona. ..  hau rai duni hau nia domin ba O maun Amor nebe’e ba no sei lafila tan ona  no iha ne’e O nia domin hau rai nafatin too hau bele hetan no entrega hikas fali ba o Maun.. . .

... *THE END *...